Sport

Volley-ball – Open de Madagascar U 23 sy vétérans Teny Cité Itaosy no natao ny andro voalohany

Sport
Talata 03 Desambra 2019

Nanomboka tamin’ny alahady 01 desambra 2019 teo ka tsy hifarana raha tsy amin’ny alahady 08 desambra izao ny fifaninanana volley-ball “Open de Madagascar U 23 sy Vétérans. Ekipa 6 avy amin’ny ligy 4 no mandray anjara ao amin’ny sokajy U 23 vehivavy :

ny Evbi (Ihorombe), Squad (A/manga), Asi (A/manga), Asca (Vakinankaratra), Vbcd (A/manga) ary Asvbm (Boeny). Ekipa 12 avy amin’ny ligy 7 kosa ny eo amin’ny sokajy U 23 lehilahy : Asi 2 (A/manga), Asi 1 (A/manga), Rm5 (Atsimo Andrefana), Mami Vbc (Atsinanana), Cvbi (Matsiatra Ambony), Evbi (Ihorombe), Vbcd (A/manga), Mama (Vakinankaratra), Avb (A/manga), Avbc (Anosy). Ekipa 4 avy amin’ny ligy 2 kosa no mandray anjara amin’ny sokajy Vétérans : Cnaps (Itasy), Ambohi/kely (A/manga), Cosfa (A/manga), Cua (A/manga). Nanomboka omaly talata andro faha-2 dia efa etsy amin’ny kianja mitafon’Ankorondrano indray no nanohizana ny fifaninanana. Anio alarobia 03 desambra dia mbola lalao 8 hatrany no harahina etsy Ankorondrano ka ny Vbcd sy Asvbm (vehivavy ) no hanomboka azy manomboka amin’ny 7:30 maraina ary ny Amb/kely sy Cosfa sokajy Vétérans no hamarana azy manomboka amin’ny 6:00 hariva.

Ntsoavina Evariste