Sport

Volley-ball Nofoanan’ny FIVB ny League des Nations 2020

Sport
Talata 12 Mey 2020

Noho ny fihanaky ny tsimokaretina Covid-19 maneran-tany izay mety ho fiatraikan’izany any amin’ireo tanàna handray ny hetsika dia nanapa-kevitra ny FIVB “Federasiona Iraisam-pirenen’ny taranja volley-ball,

tany Lausanne Suisse tamin’ny 08 mey lasa teo, fa ho foanana ny fifaninanana VNL “Ligue des Nations de Volley-ball” izay saika hatomboka amin’ny faha-19 mey 2020 ho avy izao ny an’ny fifaninanana hoan’ny vehivavy ary ny faha-22 mey ny an’ny fifaninanana ho an’ny sokajy lehilahy. Niara-nanaiky an’izany famohanana fifaninanan VNL 2020 notapahan’ny FIVB izany ny « Conseil VNL » sy ny « Conseil d'administration de la FIVB » ary ireo mpikarakara ny hetsika rehetra. Etsy an-kilany anefa dia miara-misa akaiky amin’ireo rehetra voakasiky ny toe-draharaha ny FIVB mba hamolavolana fandaharam-potoanan’ny VNL 2021 ary katsaha ao anatin’izany ny hitazomana an’i Italie sy Chine hatrany ho mpikarakara an’ireo lalao famaranana.

Ntsoavina Evariste