Sport

Volley-ball Malagasy hiatrika ny lalaon’ny nosy Nivoaka ny lisitry ny ekipa nasionaly

Sport
Alatsinainy 01 Jolay 2019

Mitohy eto Antananarivo ny fampivondronana an’ireo ekipa nasionalin’ny taranja volley-ball lahy sy vavy hiatrika ny lalaon’ny nosy 2019 ho tanterahina any Maurice manomboka amin’ny faha-19 jolay izao.

Araka ny nambaran’ny mpanazatra azy ireo teny Mahamasina dia in-2 isan’andro izy ireo no mifandimby manatanteraka fanazaran-tena ao amin’ny lapan’ny fanatanjahantena Mahamasina. Efa tena vonona amin’ny fiatrehana an’io fifaninanana io ireo mpilalao lahy sy vavy Malagasy ireo ankehitriny na dia mbola handrasana aza ho an’ny sokajy vehivavy ny fahatongavan’i Melissa, mpila ravinahitra atsy amin’ny nosy Seychelles. Efa navoakan’ny MJS koa ny lisitra ofisialy raikitra an’ireo mpilalao 12 lahy sy 12 vavy handeha ho any Maurice :

Lahy : Willot, Princy, Fitiavana, Ederin, Angelin, Benahy, Fenozoro, Niana, Niriko, Tsiory, Tahiry, Mnohisoa. Coach : Honoré sy Etienne.

Vavy :Adolphinah, Rojotiana, Dianah, Hibisoa, Christine, Jessie, Armell, Mathline, Nandrianina, Clarat, Melissa, Lima. Coach : Michel Roche sy Léa.

Ntsoavina Evariste