Sport

Partagé sur :
• facebook

Ny minisitry ny fanatanjahantena Malagasy Tinoka Roberto no nanokatra ofisialy ny fifaninanana CCZ7 « Fiadiana ny ho tompondakan’ny faritra faha-7 aty Afrika eo amin’ireo ekipa tompondaka taranja volley-ball »

 tetsy amin’ny lapan’ny fanatanjahantena Mahamasina omaly alahady 3 febroary 2019 ka nanitrikitrika teo am-pandraisam-pitenenana nataony fa efa voasoratra ao anaty veliranon’ny IEM ny hikarakarana  ny tanora sy fanatanjahantena Malagasy mba ho fanoitra eo amin’ny fampandrosoana marina an’i Madagasikara. Hampanjakao ny « fair play » amin’ity fifaninanana ataonareo ity, hoy izy, nitodika tamin’ireo tanora mpandray anjara avy amin’ny ekipa 22 amin’ny nosy 5 (Maurice, Mayotte, Comores, Seychelles ary Madagascar) izy ka izay mendrika no aoka haharesy, hoy izy. Nialoha izany rehetra izany dia nangataka  1minitra fahanginana ny minisitra ho fanomezam-boninahitra ireo namoy ny ainy tamin’ny fianjeran’ny vatobe indray tetsy Ampamarinana omaly alahady 03 febroary maraina.

Hitohy hatramin’ny alahady 10 febroary izao ity hetsika ity ka tamin’ny andro voalohany notontosaina omaly dia tsara fanombohana fa nahazo fandresena avokoa ireo ekipa Malagasy lahy sy vavy 5 niakatra kianja. Vehivavy : Amvb (Mad) – M’Tsapere (May) seta 3-0 ;  Bi’As (Mad) – Ans Royale (Sey) seta 3-1 ; Stef Auto (Mad) – Astars (May) seta 3-0. Lehilahy : Jsa (Mad) – Racine (Com) seta 3-0  ; Gdn (Mad) – Tab (Mr) seta 3-0.

Ntsoavina Evariste

Tia Tanindrazana

Samia mijoro ho an'i Gasikara.