Sport

Volley Ball CCCZ7 andiany faha-25 Tompondaka ny lehilahy GNVB Malagasy

Sport
Alatsinainy 11 Febroary 2019

Nifarana omaly alahady 10 febroary 2019 tetsy amin’ny lapan’ny fanatanjahantena Mahamasina ny andiany faha-25 amin’ny CCCZ7 “Fiadiana ny Amboaran’ny faritra faha-7 aty Afrika eo amin’ireo ekipa tompondaka

taranja volley-ball sokajy “senior” lahy sy vavy 2018. Raha voahosotra ho tompondaka ny ekipa lehilahy Malagasin’ny zandarimaria nasionaly “Gnvb” nandresy ny Olympic Montagnes Goaves avy any Maorisy tamin’ny seta 3-1 teo amin’ny lalao famaranana tena nampitaintana hatramin’ny farany tokoa (19/25, 25/15, 25/22), dia nitana ny laharana faha-3 teo amin’ity sokajy lehilahy ity ny ekipan’ny Jsa “Jeunesse Sportive Ambatonilita” Madagasikara. Teo amin’ny sokajy vehivavy kosa dia rendrika tanteraka ny ekipa vehivavy Malagasy rehetra fa ny nosy Maorisy no nitana ny laharana roa voalohany dia ny Quatre bornes nandavo ny Oranges Club d'Amitiés tamin’ny seta 3-1 ihany koa (25/19, 13/25, 25/22, 25/17). Fahatelo kosa ny Anse Royale avy any Seychelles. Tonga nanotrona hatramin’ny farany an’ireo famaranana ireo omaly sady nanolotra ny medaly volamena sy ireo amboaran’ny mpandresy ny minisitra Tinoka Roberto izay nilaza mazava fa santatry ny fitondran’ny tanora sy spaoro Malagasy ny famerenana ny ambompom-pirenenantsika ary dia nanolotra lelavola 10 tapitrisa ariary hoan’ny Gnvb izy tamin’izany.