Sport

Volley-ball C.C.C Zône 7 andiany faha-26 Nitsoaka an-daharana omaly ny ekipa seiseloa

Sport
Alakamisy 06 Febroary 2020

Ekipa lehilahy 16 sy vehivavy 12 (klioba 8 ho an’i Madagascar, 7 ho an’i Maurice, 4 ho an’i Seychelles, 4 ho an’i La Réunion, 4 ho an’i Mayotte ary 1 ho an’i Comores)

no voafaritra fa handray anjara amin’ny fifaninanana Volley-ball fiadiana ny amboaran’ny ekipa tompondaka CAVB “Confederation Africaine de Volley-ball” Faritra faha-7 izay hotontosaina etsy amin’ny Lapan’ny fanatanjahantena sy eny amin’ny kianja mitafon’Ankorondrano eto Antananarivo-Madagasikara manomboka ny 15 ka hatramin’ny 22 febroary 2020 ho avy izao. Sambany amin’ity fifaninanana ity no nahatratra an’io isan’ny mpandray anjara io. Lalao miisa 88 no hatrehana mandritra ny 7 andro ka ny « Comite de contrôle » notendren’ny CAVB Zône 7 tarihan’ilay Maorisiana Kaysever Teeroovengadium ary ahitana tompon’andraikitra Malagasy iray Razafinjatovo Jean Honoré (delegué technique) no hitantana ny fifaninanana. Omaly alarobia 5 febroary 2020 dia nandefa taratasy ny ekipa vehivavy Seiseloa iray, ny City Ladies, fa tsy afaka handray anjara amin’ny hetsika indray.

Ntsoavina Evariste