Sport

Volley-Ball Analamanga Fantatra avokoa ireo tompondaka

Sport
Alatsinainy 28 Aogositra 2017

Tontosa tetsy amin’ny kianja mitafon’i Mahamasina omaly alahady 27 aogositra tontolo andro ireo lalao famaranan’ny fiadiana ny ho tompondakan’ny ligin’Analamanga 2017 taranja volley-ball.

Niaiky ny rehetra fa miverina mahazo aina indray ny fankafizan’ny maro an’ity taranja ity noho ny ezaka nataon’ireo ekipa isanisany. Ny fiadiana ny ho tompondakan’Analamanga no vita fa efa ny fiatrehana ny ho tompondakan’i Madagasikara hanomboka amin’ny tenatenan’ny volana septambra hitsidika io any Toamasina izao no hitodihan’ny mason’ireo tafita ho amin’izany.

Vokatr’ireo lalao famaranana tetsy Mahamasina omaly :

Sokajy junior vehivavy : Vbcd nandresy ny 3 Fans seta 3-0 (25-17 ; 25-20 ; 25-21)

Sokajy junior lehilahy : Amvb nandresy ny Vbcd seta 3-1 (25-23 ; 25-19 ; 20-25 ; 25-16)

Sokajy 2è série lehilahy : Jsa nandresy ny Tsvb seta 3-0 (25-20 ; 25-21 ; 25-15)

Sokajy 1ère série vehivavy : Vbcd nandresy ny Jmvb seta 3-1 (25-19 ; 25-20 ; 20-25 ; 25-18)

Sokajy 1ère série lehilahy : Gnvb nandresy ny Cosfa seta 3-0 (25-22 ; 25-15 ; 29-25)

Ntsoavina Evariste