Sport

Volley-ball- Afrika Faritra faha 7 Resy sahady ny Stef' Auto

Sport
Talata 28 Febroary 2023

Ho sarotra ny miandry ny ankizin'ny Stef'Auto amin'ny fiadiana ny tompondakan'ny Faritra faha 7 volleyball. Vao nanomboka mantsy ry Nadjima dia voavely kanota raha nihaona tamin'ny Tampon Gecko.

Nanao be fiditra anefa ny ekipan'i Gildas Zafindalana saingy nojanona teo amin'ny seta voalohany ihany (25/22) fa nifoha tamin'ny torimasony ry zareo avy any La Reunion ka nanao tohi-vakana ny seta telo manaraka. Mbola tsy eo am-pelatanana moa ny vokatra omaly nihaonan'ny Stef'Auto aimin'ny Rodrigues fa na izany aza ho sarotra satria hatreto qloha dia tena manatombo ry zareo Maorisianina avy any Quatre Bornes izay tompon'ny amboara farany .Raha momba ny GNVB lehilahy indray dia nandresy tsy miady ny Kaomorianina Nioumachoi.
Clément RABARY