Sport

Voin-kava-mahatratra tany Morondava Tany an-toerana ny minisitry ny fanatanjahantena

Sport
Alarobia 04 Martsa 2020

Amin’ny maha minisitra mpiahy ny Faritanin’i Toliara azy dia tafaraka tamin’ny delegasiona nijery sy nitondra fanampiana ho

an’ireo traboina tany Morondava noho ny fahavoazan’ity tanàna ity tamin’ny tondra-drano nahazo azy tamin’ny faramparan’ny volana febroary lasa teo ny minisitry ny tanora sy ny fanatanjahantena Malagasy, Atoa TINOKA Roberto, niaraka tamin’ireo mpikambana sasany ao amin'ny governemanta ( minisitry ny atitany sy ny fitsinjaram-pahefana sy ny minisitry ny mponina, ny fiahiana ara-tsosialy ary ny fampivoarana ny vehivavy).

Nanambara ity minisitra ity fa hisy ny fitadiavana vahaolana maharitra mba tsy hiverenan'ny loza toy ireny intsony. Tsara ho fantatra fa fokontany miisa 5 (Ampasy, Ankisirasira, Tanambao, Andakabe ary Morondava centre) no nitondra takaitra. Nisy ny rava trano, ny traboina sy tsy manan-kialofana izay fianakaviana miisa 441 ahitana olona 2 205.

Fankaherezana lehibe ho an'ny Vahoaka traboina ny fandraisana andraikitra toy izao.

Ntsoavina Evariste