Sport

Voavy Paulin Nampiakatra ny laharan’ny ekipany indray

Sport
Alatsinainy 14 Septambra 2020

Tao anatin’ireo lalao miisa 2 natrehin’ny Misr El Makassa dia mpilalao mendrika indrindra hatrany ilay lohalaharan’ny Barea, Voavy Paulin.

Miditra amin’ny andro faha 26 ankehitriny ny fifaninanam-pirenena ejipsianina eo amin’ny taranja baolina kitra ary nandresy tamin’ny isa mazava an-tanin’olona 2 noho 0 indray ry Ilay kely sy ny tariny. Ity kintan’ny ekipam-pirenena Malagasy ity no nanokatra ny isa teo amin’ny minitra faha 48 raha nihaona tamin’ny Tanta SC farany teo rehefa avy nandresy tamin’ny isa mavesatra ny andrarezin’I 4 noho 1 nandritry ny andro faha 25. Tsiahivina fa mbola I Voavy ihany koa no nanokatra ny isa tamin’izay. Niakatra ho laharana faha 7 indray izany ny El Makassa raha toa ka efa niakatra ho laharana faha 8 talohan’ity lalao tontosa farany teo ity.

J. Mirija