Sport

Ultra Trek des Collines Sacrées de l`Imerina Efa misokatra ny fisoratana anarana

Sport
Zoma 23 Oktobra 2020

Ho tanterahina ny 20 hatramin` ny 22 novambra izao ny Ultra Trek des Collines Sacrées de l`Imerina (UTCS) taona 2020, fifaninana dian-tongotra arahina hazakazaka, miainga avy eo Ambohitrimanjaka hatrany amin` ny vohitr` Ambohimanga.

Miisa telo ireo hazakazaka amin` izany fifaninana izany: ny 20 novambra, dia ny Trail Ambodirano no hisantatra izany, izay mirefy 51 km ary hiala ao Ambohitrimanjaka sy hifarana eny Ambatofotsy ; ny 21 novambra indray dia Ambatofotsy mankany Amkadimanga Sambaina, izay mirefy 47 km ary atao mandritra ny adin`ny 13 ora. Ny 22 novambra kosa dia miala eo Ankadimanga mankany Ambohimanga izay mirefy 44 km. Hisy kosa ny hazakazaka manokana izay 23km ka hiala eo Ambatolampikely (RN2) mankany Ambohimanga. Hazakazaka fohy izay atao anatin` ny 8 ora sy sasany ary natokana ho an` ny olon-tsotra. 50 000 ariary kosa ny fandraisana anjara amin`ny fifaninana ary afaka mandray anjara amin` izany avokoa na ireo teratany vahiny na Malagasy. Hitondra tombotsoa goavana ho an`ny tontolo ambanivohitra ny fanomezan-danja ireo vohitra masina eto Imerina.

Marigny A.