Sport

Tsipy kanetibe – Tournoi Mandrato 1 Lasan’i Lala sy Haja ny amboara sy ny 200.000Ariary

Sport
Alatsinainy 06 Mey 2019

Olon-droa miaraka niisa 31 no nandray anjara tamin’ny fifaninanana tsipy kanetibe “Tournoi Mandrato” andiany voalohany nokarakarain’ny “Association Mandrato” tarihan’ny filohany, Razafimandrato Hanitra,

teny amin’ny kianjan’ny Mikoja Ampasampito tamin’ny sabotsy 04 mey 2019 tontolo andro teo. Lasan’i Lala sy Haja ny amboara sy lelavola 200.000Ar natolotra tamin’izany rehefa resiny teo amin’ny lalao famaranana ry Donné sy ny namany izay notolorana 100.000Ar kosa. Heno teny Ampasampito fa hetsika voalohany nokarakarain’ny fikambanana hatramin’ny niforonany tamin’ny taona 2016 ity notanterahina ity ary natao indrindra hampahafantarana ny fikambanana tamin’ny ankapobeny. Marihina fa hanampy an’ireo zaza sahirana manerana ny nosy no antom-pisian’ny “Association Mandrato” ka mandray ny tolo-tanan’ny rehetra tsara sitrapo amin’izany fa tamin’ity hetsika voalohany ity aloha dia Atoa Raharijaona Jean François no nanampy azy ireo.

Ntsoavina Evariste