Tsipy kanetibe - tompondaka eran-tany 2019 Tafakatra 1

8-ndalana avokoa ny solontena Malagasy

Sport
Zoma 22 Novambra 2019

Rehefa avy nahazo ny vokatra : Madagascar-Usa (13-3), Madagascar-France (3-13), Madagascar-Cambodge (13-6),

Madagascar-Rep.Tchèque (13-3), Madagascar-Laos (13-4) ny ekipa Malagasy sokajy tanora tany amin’ny tanànan’i Phenom Penh any Cambodge hanatanterahana ny fiadiana ny ho tompondakan’ny taranja tsipy kanetibe sokajy vehivavy sy tanora andiany faha-17, dia niatrika ny lalao 1/8-ndalana nikatroka tamin’i Pologne omaly alakamisy 21 novambra 2019. Ny sokajy vehivavy Malagasy kosa rehefa avy nandresy an’i Rep Tchèque 13-3 teo amin’ny « cadrage » dia tafakatra ihany koa teo amin’ny lalao 1/8-ndalana ary nihaona tamin’i Thailand, mbola omaly alakamisy 21 novambra 2019 ihany. Anio Zoma 22 novambra dia ny dingana famaranana eo ain’ny « Tir de Précision Jeune sy Femme » ary ireo lalao 1/4-dalan’ny olon-telo miaraka vehivavy sy tanora no arahina.

Ntsoavina Evariste