Sport

Tsipy kanetibe Tafakatra amin�ny dingana manaraka ny Malagasy

Sport
Sabotsy 03 Desambra 2016

Niatrika ny fifanintsanana isam-bondrona toy ireo mpifaninana rehetra ny ekipam-pirenena Malagasin�ny taranja tsipy kanetibe amin�ny fiatrehana ny lalao fiadiana ny ho tompondaka eran-tany faha-47 tontosaina eto Madagasikara nanomboka ny alakamisy 1 desambra teo.

Nahazo fandresena 3 ny ekipa Malagasy tamin’izany raha nihaona tamin’i Ecosse(13-01). Nandresy 13-7 an’i Suède ary nandresy 13-1 an’i Niger. Nizaka faharesena 2 kosa nanoloana an’i Luxembourg 9-7 sy Bénin 13-9. Tafakatra hiatrika ny “Poules de 3” izany ny ekipa malagasy ka raha anisan’ny 2 voalohany dia hiatrika ny dingan’ny ampahavalon-dalana indray. Ireo ekipam-pirenena 24 nihintsana tamin’ny fifaninanam-bondrona kosa dia hiatrika avy hatrany ny fifaninanana “Coupe des Nations”. Marihana fa nisongadina ny fananan’ny mpilalao Andrianiaina Christian na Nanou traikefa amin’ny lalao goavana tahaka itony ka nanavotra hatrany ny ekipa Malagasy.

Ntsoavina Evariste