Sport

Partagé sur :
• facebook

Tafaverina soa aman-tsara an-tanindrazana omaly alakamisy 14 septambra ny delegasiona Malagasy amin’ny taranja tsipy kanetibe izay nibata ny anaram-boninahitra tompondakan’i Afrika 2017 eo amin’ity taranja ity.

 31 ora no faharetan’ny dian’izy 6 mirahalahy avy any Tonizia nihazo an’Ivato Antananarivo fa naharitra ora 7 ny escale tao Tiorkia niampy orra 9 tao Nairobi tamin’izany. Tamin’ny 4 ora tolakandro izy ireo no nigadona tetsy amin’ny Lapan’ny Fanatanjahantena Mahamasina ka nandraisan’ny Ministera sy ny Tafita ary ireo mpitia tsipy kanetibe azy ireo tamim-boninahitra. Ny Dsf Rakotozafy Rosa no nisolontena ny ministra niarahaba azy ireo noho izao ezaka vitany izao ka nanambara fa ho raisin’ny filohan’ny Repoblika Malagasy miaraka amin’ny taranja haltérophilie sy ireo atleta nahazo medaly tany amin’ny lalaon’ny frankofonia farany teo izy ireo atsy ho atsy. Mendri-piderana sy fanohanana ny taranja tsipy kanetibe nahavita ezaka goavana hoy ny teny fohy nataon’ny filohan’ny Federasion’ny Tsipy kanetibe Malagasy ry aoka tsy ho asiana resaka intsony ilay fifaninanana Masters 2017 fa tsy laharam-pahamehana hoantsika Malagasy iny fifaninanana iny. I Toutoune kosa kapitenin’ny ekipa nasionaly Malagasy dia nanambara fa efa  tena zatra miaraka izahay 4 mirahalahy ireo ka niantoka ny fahombiazanay tany Tunisie izany. Izaho manokana efa fanintelony izao no niatrika an’ity fifaninana ity ary tsisy izay tsy mahafantatra ahy ireo mpifaninana any am-pita ireo. Hisaorako manokana etoana anefa ny coach Dollys izay tena nanampy anay ara-tekinika sy tamin’ny lafiny rehetra mihitsy (ara-tsaina sns…). Nanampy betsaka ny Malagasy, hoy ny SG-n’ny Federasion’ny tsipy kanetibe Malagasy ny naha-tompondakantsika eran-tany ka nampihorohoro avy hatrany ireo mpifanandrina rehetra.

Ntsoavina Evariste

Tia Tanindrazana

Samia mijoro ho an'i Gasikara.