Sport

Tsipy kanetibe Ho tonga anio ry Toutoune sy ny namany

Sport
Alakamisy 14 Septambra 2017

Higadona eny amin’ny seranam-piaramanidina Ivato anio alakamisy 14 septambra amin’ny 2 ora tolakandro ny ekipa Malagasy misy an’i Toutoune,

Yves, Glou ary Ny Havana sy ny mpanazatra nasionaly Dolys izay vao avy nandrombaka ny anaram-boninahitra ho tompondakan’i Afrika eo amin’ny taranja tsipy kanetibe taona 2017 tany Tunis tamin’ny sabotsy 9 septambra teo rehefa nandresy an’i Tonizia mpampiantrano 13-7 teo amin’ny lalao famaranana. Marihana fa namiratra tanteraka i Tonitsihoarana Alhenj Ulricha na i Toutoune tamin’izy 4 mirahalahy ireo. Mbola voahosotra ho tompondakan’i Afrika tamin’ny « tir de précision » koa izy raha nandresy an’ilay tonizianina Bougriba tamin’ny isa 45-40. Hotsenain’ny rehetra am-boninahitra etsy amin’ny Lapan’ny fanatanjahantena Mahamasina avy hatrany ry zareo avy eo.

Ntsoavina Evariste