Sport

Tsipy kanetibe � Grand Open Tohanan�ny fianakaviana Randriantefy

Sport
Sabotsy 22 Aogositra 2015

Raha ny taranja tenisy no tena nampalaza ary mbola mampalaza ny fianakaviana Randriantefy dia tapa-kevitra izy ireo hikarakara fifaninanana amin�ny taranja tsipy kanetibe mba ho anjara-biriky fanohanana io taranja efa nitondra avo ny voninahi-pirenena tamin�ny sehatra iraisam-pirenena io.

“Grand Open Triplette” no anaran’ny fifaninanana izay hatao ny 28-30 aogositra eny amin’ny Max Sport Club, Zone Zital Ankorondrano ao ambadiky ny Jumbo Score. Marihina fa eo ambany fiahian’ny federasiona malagasin’ny tsipy kanetibe io fifaninanana io. “Tanjona ny fanomezan-tanana fanohizana ny fampiroboroboana ny taranja mba hanosehana ireo efa azo amin’ny sehatra iraisam-pirenena ka nahavoahosotra an’i Madagasikara ho tompondaka erantany senior sy junior” araka ny fanamarihan-dRandriantefy Max mpikarakara. Fifaninanana ho an’olon-telo miaraka izy io ary misokatra ho an’ny rehetra na manana kara-pilalaovana na tsia. Izay tompondaka eo dia hahazo 2 400 000 ariary, 1 200 000 ariary kosa ho an’ny tompondaka lefitra, 600 000 ariary ho an’ireo resy amin’ny manasa-dalana ary 200 000 ariary ho an’ireo raraka amin’ny ampahefa-dalana.