Sport

Tsipy kanetibe Fifaninanana fankalazana ny fah-40 nilalaovan�i Honorus

Sport
Talata 22 Septambra 2015

Fifaninana an�olon-droa hatao eny Mahamasina ny 26-27 septambra no hanamarihan-dRazafindratsimba Honorus ny fah-40 taona niangaliany ny tsipy kanetibe.

Tsiahivina fa efa nikarakara toy izao izy ny taona 2010 tamin’ny fah-30 taona nilalaovany. Hisy ny fifaninanana ho an’ireo “senior”, “veteran”, “junior” ary vehivavy. Goavana ny loka, mahatratra 5 tapitrisa ariary ny fitambaran’ny hozaraina amin’io. Moto Yamaha sy amboara ary sakafo ao amin’ny hotely Manga no anjaran’izay ekipa mpandresy amin’ny “senior”. fahitavitra fisaka ho an’ny fah-2 ary haazo loka hatraminny lah-8. Samy amboara sy fahitalavitra fisaka kosa ho an’ireo tompondakan’ny vehivavy, veteran ary junior. Ny sabotsy 26 septambra maraina amin’ny 10 ora hatramin’ny iray ora no fisoratana anarana ary hanomboka amin’ny 2 ora ny fifanintsanana. Amboara maherin’ny 400 no efa azon’i Honorus ary isan’ny tena nisongadina ny naha tompondakan’i Madagasikara azy in-droa tamin’ny olon-tokana (1982, 1988), in-2 tamin’ny olon-droa (1979, 1997), in-4 tamin’ny olon-telo (1983, 1985, 1992, 2004) ary in-7 tamin’ny amboaran’i Madagasikara. Efa nahazo ny amboaran’ny Oseana Indiana koa izy ary efa in-6 niatrika ny fiadina ny tompondaka erantany (Tonizia 1983, Hollande 1986, Frantsa 1987, Espaina 1989, Italia 1992, Grenoble Frantsa 2004).

Rasanda Serge