Sport

Tsipy kanetibe « Doublette Mixte 2019 » Fantatra avokoa ireo ekipa 16 hiatrika ny Grande Finale

Sport
Alakamisy 21 Febroary 2019

Taorian’ireo dingana roa notanterahana tetsy amin’ny “boulodrôme Cbt” tetsy Mahamasina ny 26-27 janoary 2019 sy ny 16-17 febroary 2019 lasa teo dia fantatra avokoa ireo ekipa 16 hiatrika ny “Grande Finale”

amin’ny fiadiana ny ho tompondakan’i Madagasikara 2019 eo amin’ny taranja tsipy kanetibe sokajy « Doublette Mixte » izay hotanterahina ny 09-10 martsa 2019 ao amin’ny Cbt Mahamasina ihany. Ireto avy izy ireo : Ando sy Sitrakiniaina ; Solo sy Miora ; Ram’s sy Hasina ; Ny Antsa sy Nary ; Do sy Hery ; Tatiana sy Tsiresy ; Vola sy Cobra ; Mialy sy Jacquit ; Jean sy Tanse ; Tendry sy Ravaka ; Radoko sy Ando ; Balotely sy Tsiory ; Toutoune sy Kael ; Eric sy Nicole ; Micka sy Mme Nirina. Ankoatra an’ireo loka samihafa hatolotra ny mitana ny laharana 4 voalohany dia hisolotena an’i Madagasikara any amin’ny fiadiana ny ho tompondaka eran-tany 2019 « Individuel, Doublette, Mixte » hotanterahina any Espagne ny 2-5 mey 2019 izao izay tafavoaka ho tompondaka eo hatevenin’ny federasiona mpilalao lahy sy vavy iray avy.

Ntsoavina Evariste