Sport

Tsipy kanetibe « Doublette Gentleman + Elite » Lasan’i Pôta sy Tafita ny « Concours Spécial Mimi Pétanque 2019 »

Sport
Alatsinainy 18 Martsa 2019

Tontosa omay alahady 17 martsa 2019 tetsy amin’ny boulodrôme Cbt Mahamasina ny lalao famaranana tamin’ny andiany voalohany tamin’ny fifaninanana Tsipy kanetibe an’olon-droa miaraka « Doublette Gentleman + Elite » nokarakarain’i « Mimi Pétanque 2019 ».

Norombahin’i Pôta sy Tafita (CBT) ny medaly volamena sy amboara roa lehibe niaraka tamin’ny lelavola 1.600.000 ariary ary ny Subwoofers LG (2) sy Casquette ary Polo. Medaly volafotsy niaraka tamin’ny lelavola 800.000 ar ary « Rechaud à gaz » (2) Casquette ary Polo kosa no azon’i Naina sy Ando (PAC) nifanandrina tamin’izy ireo teo amin’ny famaranana. Nirindra tsara hatramin’ny farany ny « pointe » nataon’i Pota ary tao amin’ny andro ihany koa i Tafita izay 100 % ny tifitra nataony ka tsy nahagaga ny vokatra azo 13-00 na dia niezaka nanavotra « Ball de Match » in-3 tamin’ny fitifirana ny « Cochonet » azy ry Naina sy Ando

Ntsoavina Evariste