Sport

Partagé sur :
• facebook

Tontosa teny amin’ny Boulodrome BC MAMA teny Imerintsiatosika tamin’ny sabotsy 14 sy alahady 15 martsa 2020 lasa teo ny fifaninanana

tsipy kanetibe niadiana ny amboaran’i Madagasikara 2020 teo ambany fikarakaran’ny FSBM « Federation Sport Boules Malagasy » tarihan’ny filohany, Randriamarohaja Dolys. Efa somary alinalina ihany vao tena tafasaraka ny rehetra tamin’ny fanarahana an’ireo lalao famaranana izay notontosaina tao anaty orana tamin’ny ankapobeny . Marihana fa ekipa niisa 205 no nandray anjara tamin’ny fifaninanana ka olon-telo niaraka sénior lehilahy  ny 150, olon-telo niaraka sokajy sénior vehivavy ny 23 ary olon-droa niaraka 32 ny sokajy vétéran.

Vokatry ny famaranana sénior lehilahy :

Ekipa 65: BIC ( Andrianirainy Maminirina - Rakotoarisoa Lova Sata Mandimby - Ramamonjisoa Jean Jacques Aimé) nandresy ny
Ekipa124: Carré vert ( Razafitsifera - Rakotondrainibe Daniel - Andrianiaina Christian Martin) tamin’ny 13 - 06

Vokatry ny famaranana sénior vehivahy :

Equipe 11: C2BA ( Nirinaniaina Sylvia Monique - Randriambahiny Francine - Andriamihaja Volatiana ) nandresy ny
Equipe 2 : PAC ( Razafinakanga Mirana - Malalaharison Nihary Hasina - Randriamalala Harinivo Felana) tamin’ny 13 - 12

Vokatry ny famaranana sokajy veteran  :

Equipe 18 Vespa ( Rakotonarivo Mamy Cébastien - Andrianarijaona Mamy Ramala)  nandresy ny
Equipe 5 C2BA ( Randriamparany Yves - Ramanantsoa)

Finale Dames tamin’ny 13 – 09

Amin’ny faha-17 sy 18 ary 19 aprily 2020 indray ny fotoanan’ny rehetra amin’ny fiatrehana ny ho tompondakan’i Madagasikara 2020 sokajy olon-telo miaraka lehilahy izay hampiharana ny fitsipika vaovao hisian’ny “Finale à 2 parties” nefa mialohan’izay, hoy ny SG –n’ny FSMB kolonley Vololona, dia mbola hisy lalao karakarain’ny mpikambana  Fsmb ihany ho tontosaina eny amin’ny Boulodrome Anosy Avaratra amin’ny sabotsy sy alahady ho avy izao ary herinandro aorian’io dia hisy ihany koa fifananana karakarain’ny “Collectif des arbitres” ho tontosaina eny Ampitatafika.

Ntsoavina Evariste

Tia Tanindrazana

Samia mijoro ho an'i Gasikara.