Sport

Tsipy kanetibe CBT Mahamasina Lasan-dry ireo amboaran’ny faha-63 taona

Sport
Alarobia 05 Desambra 2018

Norombahin’i Lalaina sy Nanou, tetsy amin’ny Boulodrôme Cbt Mahamasina tamin’ny sabotsy 24 novambra 2018 teo, ireo TV 32” écran plat Led série 4 miisa 2 natao amboara tamin’ny fifaninanana Tsipy kanetibe hoan’olon-droa miaraka dia ny “Doublette Equilibrée”

(Tsy mahazo miaraka ny Elites 2 sy Mercenaires 2) andiany faharoa nentin’ny CBT Mahamasina “Club Bouliste de Tananarive” tarihan’ny filohany am-perinasa, Raheriniaina Yves, manamarika ny faha-63 taona niorenany 1955-2018. Resin-dry zareo 13-08 teo amin’ny famaranana i Daddy sy Mainty (Antsirabe) izay nibata kosa ny Subwoofer nouveau modèle 2. I Hasina sy Daddy nandresy an’i Tsiresy sy Kola 13-12 kosa no nibata ny lelavola mitentina 1.200.000 ariary natolotra ny mpandresy tamin’ny alahady 02 desambra 2018. Vola 200.000 ariary no azon’ireto farany. Zava-baovao nambaran’ny filohan’ny CBT Mahamasina ny hisian’ny lalao amin’ny andro alina “nocturne” ho karakarain-dry zareo amin’ity herinandro ity ao anatin’ny fanatsarana an’ity Boulodrôme CBT Mahamasina ataon-dry zareo ity ankehitriny.

Ntsoavina Evariste