Sport

Tsipy kanetibe Atsinanana « Tournoi de Litchis » Lasan’i Hery sy Rony Toamasina ny fandresena

Sport
Talata 12 Desambra 2017

Norombahin’ny olon-droa niaraka Hery sy Rony avy any Toamasina ny amboara sy ny lelavola 3.000.000 ariary nofinidin’izy ireo halaina tamin’ny fifaninana tsipy kanetibe “

Tournoi de Litchis” notontosain’ny ligin’ny tsipy kanetiben’Atsinanana notarihan’ny filohany, Atoa Rivo. Resin’izy ireo tamin’ny isa 13 – 3 ry Zouned sy Sitraka mbola mpilalaon’i Toamasina ihany koa teo amin’ny lalao famaranana natao tao amin’ny “boulodrôme” Place Bien-Aimé ao Toamasina ny alahady 10 desambra teo (efa tamin’ny 12 alina vao nifarana izany famaranana izany). Nahazo ny lelavola 1.000.000 ariary kosa ity ekipa faha-2 ity. Mpilalao avy eto Antananarivo kosa no nitana ny laharana faha-3 sy faha-4 izay samy nahazo 500.000 ariary avokoa. Nahatratra olon-droa miaraka niisa 83 no nandray anjara tamin’ity fifaninanana ity izay nambaran’Atoa Rivo fa mbola tsy nisy tahaka an’izany tany Toamasina.

Ntsoavina Evariste