Sport

“Trophée Red Dog Scoot” dingana faha-3 Niraondraona tanteraka teny Imerintsiatosika

Sport
Talata 31 Jolay 2018

Nanakoako tanteraka ny firaondraonan’ny feona scooter teny amin’ny “piste” SRK Imerintsiatosika tamin’ny alahady 29 jolay 2018 fotoana nanatanterahana ny dingana faha-3 amin’ny fiadiana ny “Trophée Red Dog Scoot”.

Nahavelom-bolo, hoy ny filoha nasionalin’ny klioba Red Dog Scoot Andriambololona Harison ny fanarahan-dalàna sy fitsipika amin’ny lalao mekanika napetraky ny FMaM “Federation Malagasy Auto Moto”. Nahafaly an’ireo mpifaninana ny nifindrana teny amin’ny SRK Imerintsiatosika ka nitombo be ireo mpandray anjara, indrindra teo amin’ny sokajy vehivavy. Sokajy 5 avy no nanaovana fifaninanana dia ny Cat B, Cat Espoir, Cat feminine, Cat A ary ny Cat Catal na teo amin’ny Trophée na teo amin’ny Open ka nisongadina tamin’izany ry Ramarosanjy Rija, Rajoelimanana Tsihoarana, Raharijaona Kathucia, Ravoavy Moy, Danny Francky Daniel, Ramanantenasoa Anthony, Raj Lionel, Randriamanana Nambinintsoa, Heritanjona, Jasmino, Ando, Tanjona, Raharison Orlando, Njiva.

Ntsoavina Evariste