Sport

Triathlon � Andiany faha-25 Anaram-boninahitra fanindiminy ho an�i Soloniaina

Sport
Talata 30 Martsa 2010

Norombahan-dRamiandrasoa Soloniaina ilay fifaninanana triathlon andiany faha-25 natao tetsy amin�ny ANS Ampefiloha ny alahady teo.

Io no anaram-boninahitra faha-5 azon’ity tovolahy vao 21 taona monja ity ka nametraka azy ho anisan’ireo sangany indrindra toa an’i Njakatsirofo izay efa nahazo andiany dimy ihany koa. Ny triathlon sprint (lomano:1500m, VTT:40km, hazakazaka:10km) moa ity notanterahina ny faran’ny herinandro teo ity ka 2:26:43 no fotoana vitan’i Solo. Laharana faharoa Razafinirina Philipson (2:34:38) ary fahatelo Randriamanantenasata Anja (2:37:37). Efa azo antoka izany fa i Solo no anisan’ireo Malagasy roa hiaro ny voninahitr’i Madagasikara amin’ny fiadiana ny tompondakan’i Afrika hatao any Afrika Atsimo ny 8 mey izao raha mbola manjavozavo ny mikasika ilay solontena malagasy faharoa. Laharana voalohany teo amin’ny duathlon kosa Randrianirina Joachim (2:07:36), faharoa Razafindrakoto Alain (2:12:00) ary tany amin’ny fahatelo ilay atleta sangany ao amin’ny Cabeva, Randrianarison Fabien (2:14:18) izay tojo olana mekanika teo amin’ny bisikileta. Nisy hatrany toy ny mahazatra koa ny aquathlon ho an’ireo sokajy zandriny. Amin’ny faran’ny volana aprily indray ny andiany faha-26 manaraka amin’ity triathlon ity.

Hery Rabe

Vokatra hafa

-Triathlon isan-tarika :

Pompier

-Duathlon junior :

Rakotomalala Fabien (22’35)

-Duathlon vavy :

Raverohantamalala Jocelyne

-Aquathlon 13-15 taona lahy :

Rakotonaivo Stéphane (14’44)

-Aquathlon 13-15 taona vavy :

Rabetsaroana Soa (16’22)