Sport

Tournoi Orange cheg natao tany Maraoka Raraka teo amin’ny manasa-dalana ny Elgeco plus

Sport
Alarobia 06 Jolay 2022

Tonga omaly maraina teny Ivato ireo katitakely latsaky ny 13 taona na U 13 ao amin’ny klioban’ny baolina kitra Malagasy, Elgeco plus,

rehefa nahavita ny Tournoi Orange cheg tany Maraoka. Nandavo ny tompon-trano dia ry zareo maraokanina tamin’ny isa 3 noho 1 ary nanao sahala 0 noho 0 tamin-drizareo kameroney ny Elgeco tamin’ny fifanintsanana isam-bondrona, raha ny fampitam-baovao. Ry zareo avy atsy Borkina Faso kosa no nandresy ny Malagasy teo amin’ny manasa-dalana ary mbola lavon-drizareo avy atsy Soazilandy koa teo amin’ny fiadiana ny laharana faha 3. Klioba avy amin’ny firenena miisa 10 moa no nandray anjara ary nisy koa ny fifaninanana daka lavitra na “tir au traverse” izay nifaninanan’ireo mpanazatra ka ny Coach Yvon, izay nitondra ireto katitakely ireto tany an-toerana moa no nibata ny amboara tamin’izany, raha ny fampitam-baovao hatrany.

J. Mirija