Sport

Tournoi de Vacances 3FA 2018 Analamanga sy Betsiboka no mandray anjara

Sport
Alarobia 22 Aogositra 2018

Nosokafan’ny depioten’Avaradrano, Andriamitantsoa Benjamin notronon’ny ben’ny tanànan’Ankadikely sy ny Pds-n’i Manandrina ary ny filohan’ny 3Fa,

tamin’ny fomba ofisialy omaly talata 21 aogositra teo amin’ny kianjan’ny kaominina Ankadikely Ilafy ny lalao baolina kitra “Tournoi de Vacances 2018” karakarain’ny klioba 3FA Avaradrano ka natao hampisongadinana ny katitakely (Débutant, U 10, U 13, U 15) sy ireo tanora (U 17, U 20 ary U 23), na dia efa nanomboka tamin’ny alatsinainy 20 aogositra teo aza ny fifaninanana hoan’ireo katitakely hatramin’ny U 13. Taorian’ny filaharana nataon’ireo ekipa mandray anjara sy kabary fanokafana fohifohy nifandimbiasan’ireo tompon’andraikitra dia notohizana tamin’ny fifaninanan’ny sokajy U 15 ny tena lalao omaly talata ary ny sokajy U 17 indray no miakatra kianja amin’ity alarobia 22 aogositra ity.Marihana fa ekipa miisa 18 avy amin’ny Faritra Analamanga sy Betsiboka no tonga mandray anjara. Amin’ny alahady 26 aogositra izao vao hifarana ity fifaninanana ity.

Ntsoavina Evariste