Sport

TOP 6 de l’Océan Indien Nomontsanin’ny Cosfa Malagasy 67-7 ny Mahorais

Sport
Alatsinainy 26 Martsa 2018

Nomontsanin’ny mpilalao rugby Malagasin’ny Cosfa 67-7 omaly alahady 25 martsa tetsy amin’ny kianjan’i Mahamasina ny ekipan’i Mayotte rugby. Hita ho navesatra dia navesatra ireo mpilalao vahiny ka tsy nahatohitra ny hazakazaka nataon’ny mpilalao Malagasin’ny Cosfa.

EFa nitarika 48-0 ny Cosfa teo am-pialantsasatra. Marihina fa tafiditra amin’ny fiadiana ny amboaran’ny TOP 6 aty amin’ny Oseana Indiana ity fifaninanana ity ka mbola hisy ny lalao miverina hifanaovan’ireto ekipa roa tonta ireto any Mayotte amin’ny 8 aprily ho avy izao. Tsiahivina fa miaraka amin’ny St Paul avy atsy La Réunion ny Cosfa sy Séléction Mayotte ao amin’ny vondrona A amin’ity fifaninanana ity. Ny ekipan’ny Ftm manjakaray kosa dia iray tarika amin’ny Etang Salé La Réunion sy Curpipe Maurice ao amin’ny vondrona B ary efa nandresy ny Curpipe Maurice 47-3 tamin’ny 17 martsa teo.

Ntsoavina Evariste