Sport

Tompondakan’i Thailande Mpamono baolina betsaka indrindra i Baggio

Sport
Talata 24 Novambra 2020

Ilay lohalaharana Malagasy, John Baggio, izay milalao ao amin’ny Sukhothai FC,

divizionina voalohany ao Thailande, no mpamono baolina betsaka indrindra amin’ny fifaninanam-pirenena ho an’ny taranja baolina kitra ao an-toerana ankehitriny. Miisa 9 hatreto ny baolina tafidiny tao anatin’izay andro faha 11n’ny Toyota Thai league 2020 ity. Manaraka azy ao ny mpilalaon’ny Singha Chiangra United, Bill, sy ilay lohalaharan’ny Port FC, Suarez, izay samy nahatafiditra baolina miisa 8. Eo amin’ny laharana fahatelo kosa I Roller, izay ao amin’ny Ratchaburi Mitr Phol F.C, sy Willen, ao amin’ny PT Prachuap F.C, izay samy nahatafiditra baolina 7. Isan’ireo mpilalao maniry mafy ny hanatevin-daharana ny ekipam-pirenena Malagasy na ny Barea efa ela moa ny tenany ary raha ny zava-bita eo amin’ireo samy Malagasy milalao any an-toerana aloha dia izy no azo heverina fa mamiratra indrindra na dia mirefy 1,58 metatra sy milanja 52 kilao monja aza. 28 taona izy izao.

J. Mirija