Sport

Tompondakan’Analamanga Hiady ny ¼-dalana ny Sainte Anne

Sport
Alatsinainy 19 Jona 2023

Niditra tamin’ny 1/8-ndalana ny fiadiana izay ho tompondakan’ny diviziona voalohany eto Analamanga eo amin’ny taranja baolina kitra nanomboka ny sabotsy teo.

Toy izao no vokatra voaray nandritra ireo lalao natao tetsy amin’ny kianja Ambohidratrimo. Nivoaka mpandresy tamin’ny isa 1 noho 0 ny COSPN tao aorian’ny fanalavam-potoana nanoloana ny ekipan’ny JFFA. Ny AS Sainte Anne nandavo ny TFC na Tana formation 2 noho 0 ka dia isan’ny hiady ny ¼-dalana koa araka izany. Baolina tafidtr’i Mick teo amin’ny minitra faha 30 ary nampian’i Datsiky na i Rasta teo amin’ny minitra faha 65. Nandresy tamin’ny tsotsoromamba na «tire au but» kosa ny Bayern rehefa nisaraka 3 noho 3 nanoloana ny US Pro nandritry ny fizaram-potoana ara-dalàna. Nandresy 1 noho 0 ny Requin bleu ny FC Rouge, raha ny fampitam-baovao sy vokatra voaray hatrany hatreto.
J. Mirija