Sport

Tompondaka rejionalin’ny Atletisma Asief Analamanga Lasan’ny ekipan’ny Capsat ny medaly 44

Sport
Alatsinainy 19 Aogositra 2019

Tontosa tetsy amin’ny kianjan’Alarobia tamin’ny sabotsy 17 aogositra 2019 teo ny fiadiana ny tompondakan rejionalin’Analamanga hoan’ny seksiona Atletisma Asief na lalao fitaizam-batana ho an’ny mpiasam-panjakana.

Ireo karazana hazakazaka rehetra misy eo amin’ity taranja fototra ity no nifaninanana tamin’izany niainga tany amin’ny fifaninanana 60 metatra ka nofaranana tamin’ny hazakazaka in-4 mifampitohy lahy sy vavy. Nahery tamin’ny ankapobeny ny ekipan’ny toby Capsat nandrombaka medaly niisa 44 (volamena 21, volafotsy 14 ary alimo 9) faharoa ny Primatiora nahazo medaly 33 (volamena 16, volafotsy 13 ary alimo 4), fahatelo ny Mptdn (Paositra sy fifandraisan-davitra) nahazo medaly 17 (volamena 8, volafotsy 5 ary alimo 5). Nanotrona ny fihaonana hatramin’ny farany ny filoha nasionalin’ny Asief Atoa John Love sy ny filohan’ny seksion’ny Atletisma Asief Analamanga, Noel Andriampiadanana, izay sady nandray anjara tamin’ny fifaninanana ihany koa.

Ntsoavina Evariste