Sport

TOLOGNA 2014 Mifampitologna ara-panatanjahan-tena ao Fandriana ireo mpianatra 600 mahery

Sport
Talata 03 Jona 2014

Raikitra ny fifaninanana ara-panatanjahan-tena an-tsekoly eo anivon�ny ambaratonga faharoa sy fahatelo ao amin�ny Cisco Fandriana.

Nanomboka ny sabotsy 31 mey lasa teo izany ary hifarana anio talata 03 jona 2014. Nisalotra ny anarana “Tologna 2014” ity fifaninanana ara-panatanjahan-tena ity, izay itoloman’ireo mpianatra 600 mahery avy amin’ny sekoly 50, ZAP 28 ao anatin’ny Kaominina 13 mandrafitra ny Distrikan’i Fandriana. Ny taranja atletisma, baolina kitra, baskety ary hand-ball lahy sy vavy no taranja ifaninanana. Nambaran’ny lehiben’ny Cisco ao Fandriana, Randranto Rija fa nitombo ireo ekipa mpanao baskety izay nahatratra 22 raha 10 izany teo aloha. Vokatry ny fanofanana ireo mpampianatra ara-panatanjahantena no nahatonga ny vokatra ho tsara. Niatrika ny fanokafana ôfisialy ity lalao ity ny sabotsy teo ny depioten’i Fandriana Toto Raharimalala Lydia izay nanolotra omby iray sy baolina roa ho an’ireo mpandray anjara. Marihana fa ao Fandriana no hanatanterahana ny fifaninanana ara-panatanjahan-tena an-tsekoly reziônalin’ny Faritra Amoron’i Mania hanomboka amin’ny herinandro aorian’ny fanadinana bakalôrea izao.