Sport

Toky COSFA Mandravarava anaty PFL

Sport
Alarobia 21 Mey 2025

Hatreto, azo ambara ho mandravarava anaty PFL na fifaninanam-pirenena

malagasy eo amin’ny taranja baolina kitra ny lohalaharan’ny COSFA, Toky na Toky COSFA. Lalao miisa 11 izay no vita. Baolina miisa 10 no matiny. Miisa 6 koa ny tolotra tsy azo ivalozana na «passes décisives», izay nitondra ny ankamaroan’ireo fandresen’ity klioba ao amin’ny divizionina voalohany matihanina ity. Voafidy ho mpilalao mendrika na «homme du match» izy nandritry ny fihaonana teo amin’ny COSFA sy Disciples FC, teo amin’ny ¼-dalana mandroson’ny tsotsoromamba na Playoffs PFL. Hita ao anatin’ireo 11 mendrika tao anatin’iny ¼-dalana iny ihany koa, araka izany, ny lehilahy tao anatin’izay lalao miisa 11 vita hatreto izay.
Nangonin’i J. Mirija