Sport

Tezitra ny mpanao fanatanjahantena Nomena sekta ny kianja Rasolonjatovo ?

Sport
Alarobia 24 Septambra 2014

Mampiaka-peo ankehitriny ny mpitia fanatanjahantena any Alaotra manoloana ny fampidirana antokom-pinoana manao vondrom-bavaka ao amin�ny kianja Rasolonjatovo -Ambatondrazaka. Kianja izay nandanian�ny vahoaka vola be sy fotoana vao tafarina indray

Nifanarahana, hoy ny komity mpitantana vonjimaika ny kianja fa tsy misy zavatra hafa hampidirina ao amin’ny kianja afa tsy ny fanatanjahantena ihany, ankehitriny mirentirenty petadrindrina fa hisy vondrombavaka mandritra ny hefarana ao amin’ny kianja. Lasa fiangonana ary ve ity kianja ity sa ahoana ? Tankina ny mpitia fanatanjahantena. Milaza ho tsy mahalala na inona na inona ny komity, siosion-dresaka no nahafantarana fa mandoa vola ilay fiangonana hampiasa ny kianja ary tompon’andraikitra ambony eto Antananarivo no nanao tsindry bokotra tsy maintsy hanatanterahana io vondrom-bavaka io ao amin’ny kianja Rasolonjatovo. Fanjakana izay tsy nanome na vary iray venty tamin’ny fanamboarana ny kianja indray izany ity no manao tsinontsinona ny hatsembohana lanin’ny vahoaka. Ho tantara mitohy, araka izany, ity resaka kianja Rasolonjatovo ity.