Tennis ambony latabatra

Tafita ho any Paris i Fabio Rakotoarimanana

Sport
Talata 21 Mey 2024

Sambany teo amin'ny tantaran'ny tennis ambony latabatra no nisy mpilalao tafita mivantana any amin'ny

Lalao Olimpika ilay ho tontosaina any Paris. Tody tany amin'ny famaranana ny lalao fiadiana toerana tany Kigali mantsy i Fabio Rakotoarimanana raha nandresy ilay Tonizianina Wassim Essid teo amin'ny manasa-dalana. Seta 4 noho 3 (13/11 ; 8/11; 11/8 ; 9/11 ; 12/10 ; 4/11 ; 11/9) no nibatany ny fandresena. Efa tena mpilalao avo lenta ity Fabio Rakotoarimanana ity satria efa tompondakan'i Frantsa fony izy sokajy Cadet. Tany rahateo izy no niofana fa nandray fotsiny ihany ny federasiona. Efa nanomboka nantsoin'ny federasiona notarihin'i Herley Ambinintsoarivelo izy tamin'ny taona lasa ary efa tompondakan'ny Afrika teo amin'ny olon-droa miaraka izy sy Antoine Razafinarivo.
Clément RABARY