Sport

Tennis- Amboara Billie Jean King Nataon’ny Malagasy tsy nisotro rano i Lesotho

Sport
Alarobia 07 Jona 2023

Nandravarava ny mpilalao tennis Malagasy vehivavy omaly nandritry ny Amboara Billie Jean King tatsy Lesotho. Resin'ny Malagasy 3 noho 0 ry zareo tompontany.

Narindra Ranaivo no nanokatra ny lalao ka nataony bisikileta (6/0 ; 6/0) i Manyama Maisa. I Harena no mba nanome isa iray (6/1 ; 6/0) ani Kamohela Khabele. Teo amin'ny olon-droa miaraka dia nataon'i Mialy Ranaivo sy Mitia Voavy nahita kintana i Kaeleletso Mosena sy Seaper Senalta tao anatin'ny indray mipi-maso (6/0 ; 6/0).
Clément RABARY