Sport

Tennis- Amboara Billie Jean King Nandresy an’i Sénégal i Madagasikara

Sport
Alakamisy 08 Jona 2023

Mbola mitohy ny fampisehoana ataon'ireo tovovavy mpilalao tennis any Kigali mandritry ny fiadiana ny Amboara Billie Jean King Izay Sokajy faha IV.

Omaly ary dia i Sénégal indray no nataon'ny Malagasy nitondra faisana. Fandresena telo no azon'ny ankizy. I Mitia Voavy dia nampiondrika an'i Sokhna . Diatta (6/1 ; 6/1) Mialy Ranaivo kosa dia nanilika an'i Marietou André (6/1 ; 6/1). Teo amin'ny olon-droa miaraka dia nataon'i Narindra Ranaivo sy Harena Voaviandraina tsy nisotro rano i Lea Crosetti sy Sakhna Diatta (6/1 ; 6/1). Mihaona amin'ny Congo anio ny ekipa Malagasy ary hifandona amin'ny RDC ny zoma. Raha maharesy foana ny Malagasy dia manao famaranana amin'izay mandresy ny voalohany ao amin'ny tarika A. Raha mbola mandresy dia miakatra ao amin'ny Vondrona III amin'ny taom-pilalaovana manaraka.

Clément RABARY