Sport

Partagé sur :
• facebook

Nifarana ny talata 15 janoary teo ny fiadiana ny ho tompondakan’i Afrika tapany atsimo sokajy U 14 lahy sy vavy sy U 16 lahy sy vavy notontosaina tany Wondhoek any Namibie nanomboka ny 7 janoary 2019 lasa teo.

 Namiratra tamin’ny ankapobeny ireo solontena Malagasy notarihan’ny Tale teknikan’ny federasiona, Dina Razafimahatratra, nahitana an-dry : Randy Rakotoarilala, Miotisoa Rasendra, Maholy Razakaniaina (U14 zazavavy)  ;  Harena Rafidiarison, Finoana Antenaina Rakotomalala Ma Rakotomalala (U14 zazalahy)  ;  Toky Ranaivo, Fenosoa Rasendra, Sampras Rakotondrainibe (U16 zatovolahy)  ;  Ranaivo Narindra, Mialy Ranaivo, Safidisoa Nomenjanahary (U16 zatovovavy), fa amboara 10 no voandalana hoentin’izy ireo mody aty Madagasikara toy ny :

-Amboaran’ny firenena mendrika indrindra teo amin’ny filaharana ankapobeny an’isa tamin’ny fiadiana ny ho tompondakan’i Afrika isam-batan’olona

-Amboaran’ny Tompondakan’i Afrika mendrika indrindra U 16 zatovovavy

-Amboaran’ny firenena mendrika indrindra teo amin’ny sokajy U 16 zatovoavavy teo amin’ny tompondakan’i Afrika isam-batan’olona

-Amboaran’ny firenena mendrika indrindra teo amin’n y sokajy U 14 zazavavy teo amin’ny tompondakan’i Afrika isam-batan’olona

-Amboaran’ny firenena laharana faharoa teo amin’ny sokajy U 16 zatovolahy

-Amboaran’ny tompondakan’i Afrique australe isam-batan’olona sokajy U 14 zazavavy

-Amboara maha tompondaka lefitr’i Afrika faritra atsimo isam-batan’olona sokajy U 14 zazavavy

- Amboara maha tompondaka lefitr’i Afrika faritra atsimo teo amin’ny sokajy olon-droa miaraka U 14 zazalahy

- Amboara maha tompondaka lefitr’i Afrika faritra atsimo teo amin’ny sokajy olon-droa miaraka U 14 zazavavy

Ntsoavina Evariste

.

Tia Tanindrazana

Samia mijoro ho an'i Gasikara.