Sport

Tenisy - Rafael Nadal In-12 nandrombaka ny amboara tao Roland Garros

Sport
Talata 11 Jona 2019

Fanindroambiafolony izao no nandrombahan’ilay mpilalao tenisy Espaniola Rafael Nadal ny fifaninanana Roland Garros ao Paris.Tena mafy i Rafa, izay no ambentin-tenin’ny rehetra nanaraka ny lalao ny alahady lasa teo.

Tsy nahatohitra azy ilay Aotrisianina Dominic Thiem na dia efa niezaka mafy aza. Mazava ny tarehimarika ( 6-3, 7-5, 6-1,6-1). 33 taona i Rafael Nadal amin’izao fotoana ary ilay Soisa anisan’ny sangany amin’ny tenisy eto ambonin’ny tany Roger Federer no resiny tany amin’ny manasa-dalana. Nampiseho ny heriny sy ny fahaizany i Rafa ka izao nandrombaka fandresena miezinezina izao sy nametraka ny anarany amin’ny tantaran’ny tenisy na dia sarotra ihany aza ny nanombohany ity taom-pilalaovana ity satria naratra tao amin’ny lohalika izy tamin’ny volana martsa.

RTT