Tenisy � ITF CAT U12

U14 Tafita hanao ampahefa-dalana i Sampras

Sport
Alakamisy 12 Mey 2016

Mitohy ny fiatrehan-dRakotondrainibe Sampras solontena malagasy tokana miatrika ny fifaninanana afrikanina �ITF-CAT Junior� sokajy U12 sy U14 izay atao any Bulawayo Zimbaboe.

Efa miditra amin’ny fifaninanana fahatelo izao izy io ary tsiahivina fa raraka teo amin’ny manasa-dalana hatrany i Sampras tamin’ireo fifaninanana roa voalohany. Tsara fanombohana indray ny tovolahy kely ny talata teo satria tafavoaka nandresy tamin’ny ampahavalon-dalana tamin’ny fifaninanana an’olon-tokana sokajy U12 zazalahy, nandresy mora foana an’ilay zimbaboeanina Matiza Anotida (6/1, 6/1). Tafita hiatrika ny ampahefa-dalana izany i Sampras ka anio no hanaovana io lalao io ary ilay botsoaney, Lesedi Raguin izay iray tarika aminy amin’ny fifaninanaa an’olon-droa no hifandona aminy amin’io. Nahita fahombiazana ihany i Samprasa tamin’ny fifaninanana an’olon-droa U12 zazalahy, satria nandresy ny ekipa namibianina norafetin’i Swatz Johanes sy Barnard Joshua izy sy ilay botsoaney Lesedi tamin’ny ampahefa-dalana (4/6, 2/6) ary tafita hanao manasa-dalana.