Sport

Partagé sur :
• facebook

Nanjakan’ireo mpilalaon’ny Asut Ankatso ny fiadiana ny tompondakan’ny seksion’Antananarivo Renivohitra. Tontosa teny Ankatso ny sabotsy sy alahady teo avokoa ireo lalao famaranana isan-tsokajiny U8 hatramin’ny ‘vétéran”

. Anaramboninahitra 11 no norombahan’ny klioba mpampiantrano. Anisan’ny klioba nisongadina koa anefa ny Atema izay nisalotra anaramboninahitra enina. Adin’ny samy Asut ny famaranan’ny 1e série lehilahy ka i Mamy Ialy no tafavoaka nandresy nanoloana an’i Rado (6/2, 6/2). I Jacquinah avy amin’ny CSMB kosa no tompondakan’ny vehivavy rehefa nampiondrika an’i Murielle (Asut) 6/4, 6/3 tamin’ny famaranana. Tompodakan’ny 2e serie lehilahy i Hasina (CSMB) izay nandavo an’i Vahia (Asut) 4/6, 6/3, 6/4 ary lasan’i Fitia (Atema) ny vehivavy rehefa nandresy an’i Miora (Asut) tamin’ny famaranana. Vokatra tamin’ny 3e serie, tompondaka i Tsiry (Asut) ho an’ny lehilahy ary Yaelle (Asut) ny vehivavy. Lasan’i Marcel (Asut) kosa ny sokajy U18 zazalahy ary Rosea (Atema) ny zazavavy. Teo amin’ireo efa zokinjokiny, tompondakan’ny “vétéran” 1e serie lehilahy i Harivony (Atema) izay nanilika an’i Tsialiva (Asut) filohan’ny federasiona malagasy 6/2, 6/2 tamin’ny famaranana ary norombahan’i Sydonie (MSC) rehefa nanilika an’i Charline (STC) 6/2, 6/1 tamin’ny famaranana. Ny fifaninanana an’olon-droa sy isan-tarika indray no hokarakarain’ny seksion’Antananarivo Renivohitra any aorian’ny fiadiana ny tompondakan’i Madagasikara.

Rasanda Serge

Tia Tanindrazana

Samia mijoro ho an'i Gasikara.