Sport

Tenisy ambony latabatra Manoman-tena mafy ny Malagasy

Sport
Alatsinainy 15 Aprily 2019

Hanana solontena 2 ny Malagasy amin`ny fiadiana ny tompondaka erantany eo amin’ny taranja tenisy ambony labatatra hatao ny 21 hatramin` ny 28 aprily izao,

any Hongrie ary mpilalao 12 miaraka amin’ny mpanazatra 2 sy ny filohan’ny federasiona, Ambinitsoarivo Jean Herley kosa no delegasiona Malagasy eo amin’ity taranja ity hiatrika ny lalaon’ny nosy 2019 hatao atsy Maorisy (19 -28 jolay 2019). Amin'ny maha mpiahy an’ity taranja ity azy dia noraisin'ny minisitry ny harena ankibon'ny tany sy ny loharanonkarena stratejika, Fidiniarivo Ravokatra teny Ampandrianomby ny delegasiona avy amin'ny taranja tenisy ambony latabatra ny faran`ny herinandro lasa teo ka nankahery sy nanolotra ho azy ireo lelavola 6 tapitrisa ariary ho fanampiana amin'ny fanomanana hiatrehana ny lalao.

Marigny A.