Sport

Tenisy ambony latabatra � Analamanga Voahosotra ho tompondaka indray i Erick sy Tiana

Sport
Talata 29 Septambra 2015

Ny teo ihany no teo ! Vita ny faran�ny herinandro teo tetsy amin�ny lapan�ny fanatanjahantena Mahamasina ny fiadiana ny tompondakan�Analaman�ga amin�ny tenisy ambony latabatra.

Nanana solontena tamin’io ny seksion’Antananarivo Renivohitra sy Atsimondrano ary Avaradrano. Voahosotra ho tompondakan’ny 1e serie lehilahy i Erick (Airtel) izay nandavo an’i Sitraka (Galaxy Young) tamin’ny famaranana. Mbola voatazon’i Tiana (Jovenna) hatrany koa ny anaramboninahitry ny vehivavy ka resiny tamin’ny famaranana i Rondro (Jovenna). Tompondakan’ny 2e serie lehilahy i Mahefa (Asut) ary i Andy (Asa) no nahazo ny 3e serie. Nandrombaka ny 2e serie vehivavy kosa i Sandy (Jovenna). Nanjakan’ny klioba Jovenna tamin’ny ankapobeny ity fifaninanana ity satria lasan’izy ireo avokoa ny fifaninanana isan-tarika lahy sy vavy, lasan’izy ireo koa ny veteran 1 sy 2 tamin’ny alalan’i Gerald sy Njiva. Hatrany amin’ny fifaninanan’ny sokajy zandriny dia mbola nahazo anaramboninahitra roa koa io klioba io.

Rasanda Serge