Sport

Telma semi-marathon andiany fahatelo Hifantenana ireo hanao Lalaon’ny nosy

Sport
Alakamisy 16 Martsa 2023

Ho tontosaina ny alahady 26 martsa izao ny tompondakan’I Madagasikara eo amin’ny taranja hazakazaka na “Telma semi-marathon” andiany fahatelo.

Araka ny fanazavana nomen’ny teo anivon’ny fikarakarana tetsy Andraharo omaly dia hiainga eo amin’ny kianjan’Alarobia, izany hoe ho tontosaina eto Antananarivo, ity andiany ity fa handalo eny Ambohimangakely eny ihany koa. Io fotoana io ihany koa no hifantenana ireo ho solontena malagasy mandritry ny lalao iraisampirenena na ny Lalaon’ny nosy ho an’ireo nosy aty amin’ny ranomasimbe indianina izay ho atao eto amintsika ihany moa. Toy izao kosa ireo sokajina fifaninanana ho hita. Ho an’ny sokajy zandriny na “junior” 18 hatramin’ny 19 taona, ny zokiny na “senior” 20 taona no mihoatra, lehibe na “veterans” 35 taona. 300 isa kosa ireo atleta andrasana handray anjara ary amin’ny maha fiadiana ny tompondakan’I Madagasikara azy dia atleta manana ny mari-pahaizana sahaza na “licence” daholo anefa no mahazo mandray anjara. Ankoatra ireo dia hisy koa ny fifaninanana natokana ho an’ny ankizy na “Kids athletics” ka ankizy 8 hatramin’ny 10 taona avy amin’ireo sekoly manana toeram-panomanana matotra no raisina noho ny fahateren’ny fotoana, hoy hatrany ny mpikarakara.
J. Mirija