Sport

Telma Coupe de Madagascar Hanao famaranana ny Fosa Juniors sy ny Cnaps Sport

Sport
Alatsinainy 20 Mey 2019

Ny ekipan’ny Fosa Juniors Boeny sy ny Cnaps Sport Itasy no tafavoaka ho mpandresy tamin’ny manasa-dalan’ny fifaninanana baolina kitra “Telma Coupe de Madagascar 2019” ka hihaona amin’ny lalao famaranana hotanterahina amin’ny 01 na 02 jona 2019 any amin’ny toerana mbola hofaritana.

Ny voka-dalao manasa-dalana tamin’ny sabotsy 18 mey teo dia ny Fosa Juniors Boeny 4 – 1 Uscafoot Analamanga (tetsy Mahamasina), Cnaps Sport Itasy (4) 0 – 0 (3) Ajesaia Bongolava (tany Mahajanga). Marihina fa in’efatra nihaona teo amin’ny Thb Champion’s League Malagasy ny Cnaps Sport sy Fosa Juniors nanomboka tamin’ny taona 2016 ka samy efa nibata fandresena in-2 avy, nandresy 1-0 ny Cnaps sport tamin’ny 20/11/16 sy tamin’ny 23/09/18, ny Fosa juniors kosa nandresy 2-0 tamin’ny 10/07/18 ary 1-0 tamin’ny 12/08/18. Hanala vela ny fahareseny 1-0 tamin’ny taona 2018 ka naha tompondaka ny Cnaps tamin’izany ny Fosa raha ny marina.

Ntsoavina Evariste