Telma coupe de Madagascar 2023 Hanomboka ny 24 jona ny 1

16n-dalana

Sport
Alarobia 21 Jona 2023

Hanomboka ny 24 jona izao ny 1/16n-dalan’ny Telma coupe de Madagascar 2023. Faritra miisa 9 no handraisana ireo lalao ka ankoatran’ny eto Antananarivo dia handray izany koa ny ao Mahajanga,

Toliara, Ambanja, Ambovombe, Antsirabe, Fenoarivo atsinanana, Manakara, Tsiroanomandidy. Hisantatra ny eto Antananarivo ny fihaonana eo amin’ny USCAFOOT izay efa mifaninana anaty Pro league sy ny FC Rouge, izay avy eto Analamanga ihany koa. Hamarana izay 1/16n-dalana izay kosa ny fihaonana eo amin’ny Ajesaia, izay mpifaninana anaty Pro league hatrany, amin’ny US Pro avy eto Analamanga. Ao Tsiroanomandidy indray ity lalao farany ity no atao ny 30 jona izao, raha ny fandaharam-potoana voaray avy eo anivon’ny federasionina malagasin’ny baolina kitra na FMF hatrany. Mbola saika hita ao anaty hazakazaka avokoa ireo heverina fa klioba Malagasy goavana toy ny Elgeco plus, Jet Kintana, Fosa Juniors.
J. Mirija