Sport

Partagé sur :
• facebook

Nifarana omaly alahady 07 oktobra 2018 tetsy amin’ny kianjan’i Mahamasina ny fifaninanana baolina kitra « Telma Coupe de Madagascar 2018 ». Ny ekipan’ny Elgeco Plus Analamanga no nandrombaka ny amboara sy medaly volamena tamin’ity taona ity niampy taratasim-bola 3.000.000 ar avy amin’ny

Telma rehefa nandresy 2-1 ny As Adema teo amin’ny lalao famaranana. Notolorana medaly volafotsy sy taratasim-bola 1.000.000 ar avy amin’ny Telma ihany koa ity ekipa ity. Samy mbola notoloran’ny Telma taratasim-bola 500.000 ar tsirairay avy kosa ny mpanazatra mendrika indrindra tamin’ny fifaninanana, ny mpampidi-baolina be indrindra ary ny mpiandry harato mendrika indrindra (Bob sy Dinoh ary Eddie Bastia samy avy amin’ny Elgeco Plus avokoa. « Nanampy betsaka anay Elgeco tamin’ity lalao famaranana ity, hoy Robson Hubert “Boby”mpanazatra ny lalana nodiavina niatrika ny “Champion’s League Malagasy » izay somary henjakenjana ihany ho anay ny niatrehana azy nefa dia azo nakana lesona tsara. Nanambony moraly koa ny nandresenay ny Cnaps Sport teo amin’ny 1/2-dalanan’ity Telma Coupe ity ». “Nanapoka loatra an’ireo mpilalao tanoranay, hoy ny mpanazatran’ny As Adema tetsy an-kilany, ny nahafatesan’ny Elgeco Plus baolina aloha loatra (alohan’ny 10 minitra) tamin’ity famaranana ity ary mbola nisy fiantraikany teo amin’ny toetsaina koa ny mbola nahafatesan’izy ireo ny baolina faharoa, hany ka  nanjary nivoana ny tamin’ny toromarika hilalao baolina ambany nomena azy izy ireo sady nanampi-trotraka ny fahavoazana koa ny mbola fananan’ny mpilalaon’ny Elgeco traikefa amin’ny lalao lehibe tahaka itony”.

Ntsoavina Evariste

Tia Tanindrazana

Samia mijoro ho an'i Gasikara.