Sport

Telma Coupe de Madagascar 2018 eto Analamanga Nafindra etsy Mahamasina anio zoma ireo lalao roa

Sport
Zoma 24 Aogositra 2018

Raha efa nofaritan’ny FMF « Federasion’ny Baolina Kitra Malagasy » tamin’ny antsapaka natao teny Andraharo tamin’ny alatsinainy 20 aogositra teo fa

hotanterahina eny amin’ny kianjan’i Vontovorona ireo lalao roa amin’ny 1/4-dalan’ny Telma Coupe de Madagascar 2018 ho raisin’Analamanga dia fantatra izao noho ny fandaminana natao fa ho tontosaina etsy amin’ny kianjan’i Mahamasina anio zoma 24 aogositra avokoa ireo lalao roa ireo. Handray ny Cosfa eo amin’ny tokontaniny ny Uscafoot izay nambaran’ny filohany, Andriamanampisoa Gégé Bosco, fa tsy hampiova ny toetsain’ireo mpilalaony hiatrika an’ity fifaninanana ity izao fanovana amin’ny ora farany izao satria efa ambony « morales » izy ireo hibata ny amboara « Telma Coupe 2018 »

12:30- As Adema Analamanga # Fc Ilakaka Ihorombe

14:30-Uscafoot Analamanga # Cosfa Analamanga

Ntsoavina Evariste