Telma coupe de Madagascar 2018 Anio sabotsy sy rahampitso alahady ny 1

32-ndalana

Sport
Sabotsy 16 Jona 2018

Ankoatra ireo lalao 4 ho tontosaina any amin’ny kianja Rabemananjara Mahajanga (Kintan’i Boeny # Asmj Sofia ; Cnaps Sport Itasy # Kintan’i Boeny Boeny) sy ny kianja sentetikan’i Carion (Five Fc A/manga #As Fanalamanga A/Mangoro ;

Espoir Tanambe A/Mangoro # Fosa Junior A/Manga) anio sabotsy 16 jona 2018 dia rahampitso alahady 17 jona avokoa no hanatanterahana ireo lalao miisa 26 hafa tafiditra amin’ny 1/32-ndalan’ny fifanintsanana Telma Coupe de Madagascar 2018 ka hiezahana handrombahana ny amboara eny am-pelatanan’ny ekipan’ny Fosa Junior Boeny ankehitriny. Ahitana lalao avokoa ohatra etsy amin’ny kianja Mahamasina Antananarivo, kianja Rasolonjatovo Ambatondrazaka, kisanja Ankorombe Ambositra, kianja monisipalin’Amparafaravola, kianja Velodrôme Antsirabe, kianja Ampasambazaha Fianarantsoa, kianja monisipalin’Ihosy, kianja Rabemananjara Mahajanga, kianja monisipaly Manakara, kianja monisipaly Miarinarivo, kianja Ambodivoanio Nosy be, kianja monisipaly Port Berger, kianja monisipaly Toamasina,kianja Maninday Toliara, kianja monisipalyTsiroanomandidy.

Ntsoavina Evariste