Sport

Telma coupe de Madagascar 2017 Cosfa sy Fosa Junior no hiatrika ny famaranana

Sport
Alatsinainy 06 Novambra 2017

Tontosa omaly alahady 5 novambra 2017 tany Fianarantsoa sy tany Mahajanga ireo lalao ankatoky ny famaranan’ny fifaninanana Telma Coupe de Madagascar 2017 ka nahazoana ny vokatra : Cosfa 3-2 As Adema ; Fosa Junior 2-0 Jet Mada.

Tafita hiatrika ny lalao famaranana araka izany ny Cosfa Analamanga sy ny Som Fosa Junior Boeny ka raha ny sitraky ny FMF, hoy ny SG-ny, Rakotomalala Stanislas, dia ho eo amin’ny kianjan’i Mahamasina no hanatanterahana anio amin’ny 26 novambra izao saingy miankina amin’ny zava-misy eto amin’ny firenena hatrany izany

Eo amin’ny lalao Thb Champion’s League 2017 kosa dia tanan’ny FMF, hoy ihany ity SG ity, ny fanapahankevitra ny handrosoana ny dingana faharoa amin’ny Poules des AS amin’ny 08-12. Tsy noraisina araka izany ny fandavan’ny ekipa 3 (Elgeco Plus sy Cosfa ary ny Hzam) ny nanovana ny tetiandro voalaza mialoha.

Ntsoavina Evariste